الوحّد ذاتو * كمّل حياتو
أحمد نبينا
ما اتقدم ربو * مشى قاصي دربو
شال عنو ذنبو * وسلم له قلبو
الإستقامة * شاب في إقامه
الليل قامه * طالب المقاما
صورتو الفطرية * وسيرتو العطرية
هجر الغيرية * وبلغ الحرية
جامع بيانو * خلقو قرآنو
واصل أحزانو * شوقو لاخوانو
انفاقو العفو * فاق صحبو الصفوة
وفى درب الاسوة * ربّالو اخوة
عند الله مطري * بالخلق المطري
الطبعو فطري * وشهوده وتري
خيرو محصّلنا * وذكرو محصّنا
دربو بوصّلنا * ومعراجو سنة
نال خير الأسماء * والخلق الأسمى
الله يعطي * وعليه القسمة
ما اتعالى اتكبر * لله كبّر
برا ما اتبطر * حرا ما سيطر
فرحان بى الله * وخايف مكر الله
اليوم ملك الله * واليوم نسب الله
الليل قامه * والدين أقامه
فى طيبة مقامه * ومحمود مقامه
النور الساري * في كل ساري
الحر المرسل * من كل إسار
النور الأول * والمسلم أول
الثانى راضي * والراضي مكمل
ما غاب في ثانية * في الدنيا الفانية
وقطوفه دانية * في رسالته التانية
لى الله ذاكر * ولى الله شاكر
لى يومه فاكر * ما شاغلو باكر
ربو البحبو * حابي البحبو
ودرب العناية * محفوف بى حبو
أمر الله المقضي * الكامل المرضي
بى ذاته يقضي * وبى ذاتو يرضي
البعث الأعظم * في الموت الأعظم
والعرس الأعظم * في الاسم الأعظم
جيتك ذليلا * تصلحنى الليلة
والخل الفردى * يلقى الخليلا
ياخير مصلي * على أحمد صلي
جيتك بى ذلي * لى رضاك تبذل لي
